Екипата на Алкалоид следната сезона, во која ќе се натпреварува и во Европската лига, ќе има четворица нови ракометари во составот.
Наши нови играчи се репрезентативецот на Македонија, десниот бек Мартин Велковски, младиот пикер Стефан Стојчевиќ, а за првпат во екипата ќе има и интернационалци. Тоа се левото крило Арно Бинго од Франција и голманот од Куба, Алехандро Ромеро.
Арно Бинго играчки ќе биде најискусното име во екипата кога станува збор за неговата биографија. Бинго, кој има 35 години, е поранешен репрезентативец на Франција, а во текот на кариерата настапувал за португалските екипи Бенфика и Спортинг, како и за француските Трембле и Монпелје.
Алехандро Ромеро е вториот странски ракометар, голман роден во 1994 година, а стоеше меѓу стативите на Екс Провaнс, во чии редови имаше завиден процент на одбрани. Кубанецот бранеше и за Понто Комбо од Франција, за шведскиот клуб Онередс Аристика и за Порто од Португалија.
Мартин Велковски е 26-годишен десен бек кој доаѓа од тимот на Еурофарм Пелистер, а претходно настапуваше за Металург. Мартин Велковски има настапувано за македонската репрезентација на ЕП во Хрватска во 2018, на ЕП во Австрија во 2020, на СП во Египет во 2021 и на ЕП во Унгарија во 2022.
Стефан Стојчевиќ е пивот кој има 20 години, висок е 207 сантиметри, а доаѓа од Бутел Скопје. Важи за голем ракометен потенцијал, кој ќе добие одлична можност за развој во Алкалоид, чија стратегија уште останува истата – афирмација на најдобрите млади имиња од Македонија.
(фото – Рк Алкалоид)📷
