Екипата на Охрид ја очекува натпревар на гостински терен против екипата на Куманово во натпревар од 20. коло од Супер лигата.
За овој натпревар своја изјава имаше и ракометарот на Охрид, Бојан Блажески, каде изјави дека неговиот тим ќе атакува на победа против Куманово.
“Овој период не очекува “набиен” распоред. Нашиот фокус е секогаш да одиграме максимално на секој меч особено во овој период во кој имаме и нови играчи кои треба да се привикнат на нашиот систем. Ни следува Куманово каде секој натпревар имаат поддршка од домашната публика. Ние се подготвуваме, анализираме и одиме да ја продолжиме серијата на одлични резултати”, – изјави ракометарот на Охрид, Бојан Блажески.
(фото – ГРК Охрид)📷
