Ракометарите на Бутел Скопје ја совладаа екипата на Металург на домашен терен во натпревар од Суперлигата, со конечни 21-19.
Во првото полувреме се играше гол за гол, и двете екипи заминаа со нерешен резултат на полувреме 12-12. Истото темпо продолжи и во второто полувреме гол за гол, до крајот на второто полувреме составот на Бутел Скопје имаше контрола на натпреварот и успеа да ја совлада екипата на Металург во 10. коло од Суперлигата.
Најдобар стрелец во екипата на Бутел Скопје беше Мирко Мајиќ со осум погодоци, додека кај екипата на Металург најдобар стрелец беше Златко Хорват со десет погодоци.
Рк Бутел Скопје 21-19 Рк Металург
(фото-Рк Бутел Скопје)
