Тимот на Вардар 1961 ги започна подготовките за пролетниот дел, со новиот тренер Давид Дејвис Камара.
На тренингот присуствуваа тие играчи што немаат обврски со репрезентациите, а останатите што имаат ќе се приклучат по завршување на Европското првенство.
Дејвис седнува на тренерската клупа на Вардар, но тој веќе беше дел од тимот и како помошник освои европска шампионска круна, титула во СЕХА лигата и двојна круна во домашното првенство. Сега ќе биде прв тренер и ќе го подготвува тимот за настап на три фронта: во ЛШ, во СЕХА лигата и во домашното првенство.
Тимот останува во Скопје до одигрување на првите официјални натпревари, кои според сегашниот план би требало на бидат на почетокот на февруари.
(фото-Денис Дуковски/Рк Вардар 1961)📷
