Екипата на Еурофарм Пелистер го совлада тимот на Нексе со резултат 27-23 и од второто место во групата А го завери четвртфиналето во СЕХА лигата.
На овој натпревар на клупата дебитираше дуото Александар Јовиќ и Звонко Шундовски, па нивното претставување пред публиката во „Боро Чурлевски“ беше одлично.
Еурофарм Пелистер на полувреме имаше предност од 14-11. Во второто полувреме Еурофарм Пелистер не му дозволи на Нексе да дојде до позитивен резултат, и успеа да го совлада тимот од Нашице.
Најефикасен во тимот на Еурофарм Пелистер беше Денис Василев со шест гола, додека кај екипата на Нексе најефикасни беа Северец и Мославац со по четири гола.
(фото – Рк Еурофарм Пелистер)📷
