Еурофарм Пелистер започна со тренинзи под водство на новиот стручен штаб, Александар Јовиќ и Звонко Шундовски.
На тренингот свое обраќање имаше и претседателот на клубот, Зоран Стерјев, каде им се обрати на ракометарите и им посака успех до крајот на сезоната.
“Посакувам преостаниот дел од сезоната која е во тек да биде успешен и да ги достигниме нашите цели со тоа што ќе ја освоиме титулата во првенството и во Купот на Македонија и да стигнеме до СЕХА „фајнал-фор“ турнирот. Сакам да гледам како напредувате кон целта и затоа веќе имаме нов старт со професионален тим на тренери. Тука се Александар Јовиќ, Александар Зарков и Звонко Шундовски. Ви посакувам успех на сите и добро здравје за остатокот на сезоната и се надевам на крајот ќе прославуваме”, – изјави претседателот Зоран Стерјев.
(фото – Рк Еурофарм Пелистер)📷
