Емилијана Ризоска е ракометарка на ЖРК Феникс АМС, која има 16 години и игра на позиција лев и среден бек во Феникс.
1. На колку години започна да тренираш ракомет?
- Започнав да тренирам ракомет на 13 години во Феникс АМС.
2. Какви се амбициите во Феникс за во Суперлигата?
- Како млад и амбициозен тим, целта ни е да напредуваме и собираме искуство за предизвиците во иднина. За понатаму со повеќе искуство и да бидеме и на горниот дел од табелата.
3. Како се чувствуваш во дресот на репрезентацијата на Македонија?
- Се чувствувам многу среќна и исполнета кога го носам дресот на репрезентацијата на Македонија. И очекувам да имаме добри резултати во иднина и голема подршка од публиката.
4. Дали добро се вложува во спортот, ракометот во Македонија, и дали добро се вложува во Феникс?
- Во репрезентацијата се вложува многу добро, имаме одличен систем и услови за работа и за напредување. Во Феникс имаме квалитетен тренажен процес, и големи учества на разни турнири надвор од Македонија и организирање на меѓународниот турнир Феникс Куп.
5. Што ќе кажиш за крај на интервјуто?
- За крај ви благодарам на интервјуто, и сметам дека имаме потенцијал за многу успех на репрезентативен и клубски план на женскиот ракомет на Македонија. Сите да продолжат да следат ракомет и да спортуваат да не се откажуваат.
(фото – Инстаграм/Емилијана Ризоска)
