Данскиот интернационалец Каспер Кисум го продолжи договорот со екипата на Еурофарм Пелистер за уште една сезона, што е јасен показател за задоволство и хармонија по само неколку месеци во Македонија.
30-годишниот Кисум на почетокот од годината пристигна во Битола и даде голем придонес во пролетниот дел на сезоната., посебно во натпреварите од плеј-офот на Супер лигата.
Поранешниот ракометар на Сондејиске мина низ многу етапи во кариерата, играше и за Хановер, Фленсбург во Бундеслигата и Тулуз во француското првенство, а сега ќе продолжи да тресе мрежи во Македонија.
“Кисум треба да биде додадена вредност на нашиот пат во Лигата на шампионите. Со нетрпение го очекуваме на почетокот на подготовките на 19 јули”, – изјавија од Еурофарм Пелистер.
(фото – Рк Еурофарм Пелистер)📷
