Македонија ќе биде во вториот шешир пред ждрепката за квалификациите за пласман на Европското првенство во 2024 година што ќе се игра во Германија.
ЕХФ ги исклучи Русија и Белорусија, и имаше поместување во шеширите и две нови селекции, а тоа се Грузија и Луксембург.
Ждрепката е на 31 март во 18:00 часот, а квалификациите ќе започнат во октомври оваа година. Европскиот шампионат ќе се одржи од 10-28 јануари 2024 година и ќе има 24 учесници. Пласирани се четири репрезентации на овој шампионат, а тоа се домаќинот Германија, бранителот на титулата Шведска и освојувачите на медали од ЕП 2022, Шпанија и Данска.
Шеширите пред ждрепката:
Норвешка, Франција, Хрватска, Словенија, Унгарија, Португалија, Исланд, Австрија
Македонија, Чешка, Полска, Холандија, Црна Гора, Србија, Швајцарија, Украина
Босна и Херцеговина, Литванија, Летонија, Израел, Словачка, Турција, Романија, Грција
Косово, Белгија, Естонија, Фарски Острови, Финска, Италија, Грузија и Луксембург
Пласман обезбедуваат сите осум први и втори пласирани во осумте квалификациски групи, како и најдобрите четири третопласирани.
(фото-РФМ)📷
