Екипата на Еурофарм Пелистер 2 го назначи Михаил Петровски за тренер на тимот во следниот период, долгогодишен ракометар на битолскиот тим.
Тој минатата сезона оствари успех со пионерската екипа на клубот, која го освои третото место на завршниот турнир во Скопје. 39-годишниот Петровски ќе го наследи Александар Зарков, кој си замина на истек на договорот.
Петровски долги години го носеше дресот на битолскиот тим, играше на позицијата десен бек, а еден период беше и капитен на екипата. Покрај за матичниот клуб, Петровски настапуваше и за Констанца, Архус и Балатонфуреди.
На крајот од месец јули Петровски ќе ги започне подготовките за новата сезона. Тогаш и официјално ќе биде претставен пред медиумите.
(фото – Рк Еурофарм Пелистер 2)📷
