Српскиот репрезентативец Петар Ненадиќ, до крајот на сезоната ќе има нов клуб во својата кариера.
Тој потпиша договор со екипата на ПСЖ. Ненадиќ доаѓа од екипата на Веспрем, а има настапувано и за екипите на Фуксе Берлин, Висла Плоцк, Барселона и Пик Сегед.
„Одлична можност за мене е да потпишам денеска со Пари Сен Жермен. Многу сум горд што се приклучувам на овој тим, кој има многу талентирани играчи во своите редови. Ќе го дадам својот максимум за да му помогнам на нашиот тим во следните четири месеци. Ни претстојат некои важни настани и со нетрпение очекувам да го облечам дресот на ракометниот Пари Сен Жермен и да придонесам за успехот на клубот“, – изјави Петар Ненадиќ.
(фото – Рк ПСЖ)📷
