Извршниот комитет на СЕХА лигата донесе одлука за системот на играње за сезоната 2022/23. Клубовите ќе бидат поделени во две групи, А и Б со по три екипи.
Во група А се екипите на Еурофарм Пелистер, Нексе Нашице и Војводина, додека во групата Б се екипите на Вардар 1961, Татран Прешов и Партизан.
По спроведената анализа и заедно во корелација на прашањата од европскиот календар и рангирањето на перформансите, двата клуба, Веспрем (шампион за 2021/22) и ППД Загреб (финалист за 2021/22) директно ќе бидат вклучени во четвртфиналето и нема да играат во групната фаза.
Четирите победници од четвртфиналните двојки ќе играат на завршниот турнир, кој е планиран од 21 до 23 април 2023 година.
(фото – Сеха Лига)📷
