Екипите на Спартак и Овче Поле Славјански Универзитет си ги поделија бодовите во плеј-аутот во Супер лигата, откако двете екипи одиграа нерешено 27-27.
Од почетокот на натпреварот беше неизвесно, гостинките од Свети Николе успеаа да заминат на полувреме со предност од 14-18. Во вториот дел Спартак успеа да се врати, за на крај двете екипи си поделат по еден бод.
Најефикасна во екипата на Спартак беше Гроздановска со девет погодоци, додека кај екипата на Овче Поле Славјански Универзитет најефикасна беше Е. Вучевска со седум погодоци.
(фото-ЖРК Овче Поле Славјански Универзитет)📷
