Екипата на Охрид на домашен терен ја пречекува екипата на Еурофарм Пелистер во натпревар од 10. коло од плеј-офот од Супер лигата.
Гостувањето на актуелниот шампион Еурофарм Пелистер мотив повеќе за уште една добра ракометна претстава на “Гладијаторите”. За овој натпревар своја изјава имаше и ракометарот на Охрид, Стефан Дрогришки.
“Позади нас е една добра серија на победи кои се остварени со напорна работа што ни дава право да се надеваме на позитивни резултати и во останатиот дел од првенството. Еурофарм Пелистер е се уште актуелен шампион на Македонија што ни дава мотив плус за надигрување. Очекувам поддршка од домашната публика и се надевам ќе бидеме сведоци на уште еден празник на ракометот во Охрид”, – изјави Стефан Дрогришки од ГРК Охрид.
(фото – ГРК Охрид)📷
