Екипата на Еурофарм Пелистер потпиша со десниот бек од Тунис, Усама Хосни.
Усама Хосни кој има 29 години со екипата на Еурофарм Пелистер потпиша договор на две сезони. Тој доаѓа од францускиот тим Истр, а претходно настапуваше и за Клуб Африкан, Иври, Понто Комбо, настапува и за репрезентацијата на Тунис.
Висок е 193 сантиметри и поседува драгоцено искуство од настапи на највисоко клупско и репрезентативно ниво. Со репрезентацијата на Тунис настапи на три Светски првенства, освојувач е на едно злато и две сребра од шампионатот на Африка, а стана и клупски првак на Африка во дресот на Клуб Африкан. Запиша 102 настапи за туниската репрезентација и постигна 125 гола.
Неговото официјално претставување во Битола предвидено е пред почетокот на сезоната 2022/23.
(фото – Рк Еурофарм Пелистер)📷
