Членот на управниот одбор на ЖРК Куманово, Филип Додевски се стекна со сертификат од специјализираната програма Европски ракометен менаџер 2022/23 што ја организира Европската ракометна федерација (ЕХФ) во соработка со Универзитетот за Спорт од Келн (Германија).
Додевски е еден од ретките во регионот кој успешно ја заврши програмата, а претходно програмата ја завршија менаџери од врвни европски клубови , како што се Кил, Веспрем, Ѓер.
Програмата вклучува менаџирање со играчи, национални тимови, федерации и се одвива на секои две години на англиски јазик , а се состои од пет интердисциплинарни модули.
Секој модул вклучува теоретски и практични делови, кои ги учат експерти од различни области, вклучувајќи економија, право, комуникација и психологија. Вкупно се примаат 20 апликанти.
Филип Додевски од ЖРК Куманово (Македонија) беше еден од најдобрите учесници на програмата и сертификатот му беше доделен од страна на генералниот секретар на ЕХФ, господинот Мартин Хауслајтнер.
(фото – ЖРК Куманово)📷
