Раководството на Бутел Скопје го договори ангажманот на левиот бек Христијан Милошески.
Милошески има 25 години (191/83) и доаѓа од тимот на Голден Арт, каде што настапуваше последните две сезони. Кариерата ја започна во Филип Вардар од Прилеп, а беше дел и од тимовите на Прилеп, Вардар Јуниор и Работнички.
“Ми претставува чест што повторно ќе бидам дел од тимот на Бутел и како играч ќе го вложам цел мој капацитет како и секогаш досега. Верувам дека нашата екипа, на чело со тренерот и управувачкиот тим, оваа сезона ќе постигне голем успех”, – изјави Милошески.
Прилепчанецот по три сезони се враќа одново во тимот на Бутел Скопје, каде настапуваше во сезоните 2019/20 и 2020/21.
(фото – Рк Бутел Скопје)📷
