Екипата на Чаир за продолжението од сезоната во Женската Супер лига, се засили со нова ракометарка.
Станува збор за десниот бек Јасмина Попова, која доаѓа од екипата на Скопје, и потпиша договор на две години. Попова беше дел и од составот на Вардар, Ѓорче Петров и Гевгелија.
“Гледајќи како се движат работите во последно време кај екипата на Чаир, се чини дека се работи за прилично добро организиран тим. Задоволна сум од условите и од начинот на кој се водеа преговорите. Можам да кажам дека раководните лица на ЖРК Чаир беа многу коректни со мене, кога е во прашање нивната понуда и условите, така да без многу двоумење прифатив да бидам дел од нивното семејство“, – изјави Јасмина Попова.
(фото – ЖРК Чаир)📷
