Со уште помлад состав од минатата сезона Еурофарм Пелистер 2 почнува трета сезона со Александар Јовиќ на клупата.
Со остварени цели во претходните две, екипата собра многу симпатии и се избори за европско место во квалификациите на Европската лига.
Тимот е во конструкција, но пак се потпира на млади македонски играчи. Единствен странец е младиот црногорски голман Василије Пичурица, кој дојде од Струга.
Подготовките ќе минат во две фази, во Битола и Маврово, а првиот официјален натпревар е за пет недели против Алпла Хард во Австрија.
Дојдоа: Мартин Ивановски (Охрид), Мартин Јовановски (Дансенберг), Василије Пичурица (Струга), Симон Мирчевски (Прилеп – крај на позајмица), Филип Гуцевски, Христијан Ристевски, Васко Мартиновски, Андреј Марковски (академија на клубот).
Заминаа: Павле Атанасијевиќ и Цветан Кузманоски (Еурофарм Пелистер), Благојче Трајкоски (Алкалоид), Димитар Димитриоски (Ваљадолид), Христијан Јовановски, Милан Ѓукиќ, Васко Димитровски (пензија).
План на подготовки за јули и август:
20 јули – старт на подготовки во Битола
Контролен натпревар: Еурофарм Пелистер – Еурофарм Пелистер 2
13-21 август – централна фаза на подготовки во Маврово (три контролни натпревари против Охрид и Вучитрн од Косово)
27/28 август – ЕХФ Лига Европа (прво квалификационо коло)
Алпла Хард – Еурофарм Пелистер 2
(фото-Рк Еурофарм Пелистер 2)📷
