Пред Охрид е најважниот натпревар сезонава. „Гладијаторите“ во мечот со романската екипа Потаиса Турда од 2. коло на Европскиот куп влегуваат со респект кон противникот, но и со оптимизам дека можат да остварат победа која ќе им овозможи предност пред реваншот.
За овој натпревар своја изјава имаше и ракометарот на Охрид, Рудолф Сафранко, каде изјави дека неговиот тим ќе атакува на победа.
“Треба да го оставиме поразот од Пелистер позади нас. Не очекува најважниот натпревар во Европа кој е награда за добриот пласман во лигата минатата сезона. Турда е добра екипа, но се надевам дека ќе се покажеме во најдобро светло и на реваншот во Романија ќе отпатуваме со што поголема победа”, – изјави ракометарот на Охрид, Рудолф Сафранко.
(фото – ГРК Охрид)📷
