Европската ракометна федерација (ЕХФ) го избра голот на Дејан Манасков од Еурофарм Пелистер во ТОП 5 гола на колото во Лигата на шампионите.
Дејан Манасков од тежок агол и со цепелин успеа да постигне гол, откако Никола Митревски му ја додаде топката од својот гол.
“Ова не е само гол за прво место на неделата на ЕХФ Лигата на шампиони, ова е антологиски гол, гол за историја на две личности за кој годините се само бројка, кој го оставиле срцето на терен не само за нашиот тим туку и за нашата репрезентација. Ова се личности со толку големо познавање на ракометот кој можат и да си дозволат да изведат ваков спектакл не против било кој туку против големата Барса и не против било кој голман туку против најдобриот на светот”, – напишаа од Еурофарм Пелистер на социјалните мрежи.
(фото/видео – Рк Еурофарм Пелистер)📷
