Македонската репрезентативка Јована Кипријановска во продолжението од сезоната ќе има нов клуб.
Ракометарката Јована Кипријановска потпиша договор со екипата на Рух Калиш од Полска и ќе настапува за овој тим во пролетниот дел од сезоната.
„Многу сум среќна што сум дел од Рух Калиш. Од првиот ден чувствував огромна поддршка и позитивна енергија од клубот и тимот. Верувам дека имаме голем потенцијал и заедно можеме да победиме на многу натпревари. Калиш е место каде што сакам да продолжам да се развивам, да го искористам мојот потенцијал и да му помогнам на тимот да ги постигне своите спортски цели“, – вели Јована Кипријановска.
(фото – ЖРК Рух Калиш)📷
