Ракометарите на Бутел Скопје ги започнаа подготовките за пролетниот дел од сезоната во суперлигашката конкуренција.
Тренерот Горан Кузманоски ја имаше прозивката, на која беа присутни двете нови засилувања – левиот бек Христијан Ѓурмешевиќ и пивотот Матеј Марковски.
Ѓурмешевиќ е младински репрезентативец на Македонија и доаѓа од редовите на Мулти Есенс, додека Марковски досега ги бранеше боите на Аеродром.
Бутел Скопје во пролетниот дел од сезоната нема да смета на триото Филип Николов, Рио Козакаи и Давид Гришикашвили.
Целите подготовки ќе се одвиваат во Скопје, а до стартот на официјалните натпревари ќе бидат одиграни четири пријателски средби.
(фото – Рк Бутел Скопје)📷
