Градоначалникот на Охрид, Кирил Пецаков оствари средба со потпретседателот на Европската ракометна федерација (ЕХФ), Предраг Бошковиќ.
”Заедно разговаравме за иднината на ракометот, за возбудата која нè очекува со претстојниот финален натпревар, но и за визијата и амбициозните планови на нашиот ГРК Охрид. Посебно ме радуваат честитките кои ги добивме за нашиот проект и за досегашните успеси. Тоа е силна потврда дека се движиме во вистинската насока. Ракометот во Охрид има светла иднина, а ние продолжуваме да работиме уште посилно за нови победи и успеси”, – стои во соопштението на Кирил Пецаков.
Екипата на Охрид утре (недела) со почеток од 20:00 часот во салата “Билјанини Извори”, ќе го одигра вториот натпревар од финалето од Европскиот Куп против Татабања.
(фото – ГРК Охрид)📷
