Ви ги претставуваме панелистките на првиот Женски ракометен форум, а вториот член е Андреа Лекиќ.
Андреа Лекиќ – ракометна визија и лидерство на теренот. Препознатлива по нејзината плејмејкерска способност за разигрување на соиграчките со неверојатна леснотија.
Ракометарка за големи натпревари, за што сведочат бројните одиграни престижни финалиња крунисани со една титула во Лигата на шампиони (Ѓер, 2013 година) и сребрен медал со српската репрезентација на Светско првенство.
Значаен дел од неповторливиот тим на ЖРК Вардар, период од кариерата кој директно ја поврзува со Македонија.
Спортистка со карактер и квалитети кои и ја донесоа титулата: Најдобра ракометарка во светот за 2013 година.
(фото – РФМ)📷
