Хрватскиот ракометар Илија Брозовиќ го продолжи договорот со германскиот тим Хановер.
Тој го продолжи договорот до крајот на сезоната до 2025 година. На 144 натпревари во Бундес лигата постигна 351 гол за екипата на Хановер. Претходно настапуваше и во Кил и во екипата на Хамбург.
„Во мојата досегашна кариера никогаш не сум бил во клуб толку долго колку со Хановер. Тоа покажува колку удобно се чувствуваме јас и моето семејство во Хановер. Имам одличен тим и добар тренер овде. Затоа навистина се радувам на следните години,“ – изјави Илија Брозовиќ.
(фото-Рк Хановер)📷
