Двете екипи, Вардар 1961 и Еурофарм Пелистер испратија барање до Ракометната федерација на Македонија за бројот на странци во клубовите да остане непроменет и во наредната сезона.
Ракометната федерација на Македонија го прифати барањето на двата клубови, и бројот на странци останува непроменет (осум странци).
“Управниот Одбор на Ракометната Федерација на Македонија донесе Одлука по пристигнато барање од РК Еурофарм Пелистер и РК Вардар 1961 за бројот на странски играчи да остане непроменет односно како и во тековната сезона 2021/22.
УО на РФМ постапи согласно Член 35 од Статутот поради итност на донесување на одлуки согласно Член 3 точка 11 “Одлука без присуство” од Законот за здружение и фондации (Сл. весник на РМ бр. 52 од 16.04.2010 год.) и го усвои предметното барање.
За натпреварувачката сезона 2022/23 при системот на натпревари при РФМ бројот на странци ќе изнесува 8 (осум), од кои 5 (пет) имаат обврска да се репрезентативци во своите национални селекции во било која категорија, а останатите 3 (три) по произволен избор на клубовите од кои се ангажирани”.
Со почит,
Ракометна Федерација на Македонија
(фото-РФМ)📷
