Десниот бек Куни Моралес го продолжи договорот со Вардар 1961 и ќе игра во „црвено-црниот“ дрес и следната сезона.
Кубанскиот интернационалец стана миленик на публиката и важен дел во тимот, и со своите игри го потврди квалитетот што го поседува.
Леворакиот бек имаше одлични партии во дресот на македонскиот првак и освојувачот на двојната круна. Моралес и во иднина ќе ги „кине“ ривалските мрежи, не само во домашното првенство туку и во Лигата на шампионите.
Сезонава Моралес постигна 36 гола на 12 натпревари во лигата на шампионите, а во домашното првенство постигна 86 гола во регуларниот дел и во плејофот. Неговите голови беа и дел од Топ-5 голови на колото во лигата на шампионите и во СЕХА лигата.
(фото – Рк Вардар 1961)📷
