Левиот бек Дмитро Горига (26) следната сезона ќе настапува за Вардар 1961. Репрезентативецот на Украина игра во двата правца, и во напад и во одбрана и треба да ја засили конкуренцијата во тимот, и да го подигне квалитетот на играта. Иако имаше понуди и од други клубови, реши да дојде во Вардар 1961. Горига ќе остане најмалку една сезона, со можност за продолжување на соработката.

Голманот Васил Гогов уште две сезони ќе биде меѓу стативите, и ќе го носи дресот на Рк Вардар 1961. Тој го продолжи договорот со клубот до јуни 2026 година. Гогов од 2019 година е дел од Вардар 1961, и секоја сезона се повеќе напредува и се наметнува со својот квалитет, а менаџментот на клубот верува дека тој ќе биде „фактор Х“ во иднина и уште повеќе ќе се докаже со своите настапи.