Раководството на Тинекс Пролет приреди убав гест пред почетокот на дуелот со Струга, со пригодни подароци испраќајќи ги во играчка пензија доскорешните ракометари на клубот, Доне Мајнов и Златко Даскалоски.

Тинекс Пролет влегува во вториот дел од оваа натпреварувачка сезона со јасен концепт, поголема шанса на младите ракометари и формирање на силна база на тимот за годините што следат.

Доне Мајнов ќе биде предводник на Тинекс Пролет на стартот од втората полусезона од Супер лигата, откако ракометарот со најголем стаж во клубот реши да ја заврши играчката кариера.