Најдобриот ирански голман, Саид Хеидарирад, е нов член на македонскиот првак Еурофарм Пелистер. Искусен и квалитетен голман доаѓа во клубот и наскоро ќе му се стави на располагање на стручниот штаб на почетокот на подготовките за сезоната 2025/26.

Проектот на Еурофарм Пелистер продолжува онаму каде што застана на крајот од минатата сезона. Клубот како шампион на Македонија и учесник во Лигата на шампионите утре ќе ги започне подготовките за сезоната 2025/26 и пак тимот му е доверен на шпански стручњак.

Екипата на Еурофарм Пелистер, која има високи амбиции за следната сезона во Супер лигата го задржа капитенот на тимот Филип Кузмановски.