Продолжуваме со серијата на интервјуа, овој пат направивме интервју со ракометарката на ЖРК Спартак, Сара Самарџиоска, која настапува во сениорската екипа.
1. На колку години започна да тренираш ракомет?
- Ракомет започнав да тренирам на 12 години.
2. За кои клубови имаш настапувано во твојата кариера?
- Во мојата кариера имам настапувано за ЖРК Велкова 5, ЖРК Скопје 2020, ЖРК Шампон и ЖРК Спартак.
3. Дали во иднина се гледаш во дресот на репрезентацијата на Македонија?
- Да, како и секоја ракометарка, би ми било чест да ги бранам боите на Македонија.
4. Кои се твоите идни планови во ракометната кариера?
- Моите идни планови се, да продолжам да тренирам ракомет и доколку ми се пружи шанса, кариерата да ја продолжам надвор од Македонија.
5. Дали добро се вложува во спортот, а посебно ракометот во Македонија?
- Во Македонскиот спорт се вложува многу малце, и сметам дека женскиот ракомет во Македонија е премногу запоставен.
(фото – Инстаграм/Сара Самарџиоска)📷
