Новата сезона тропа на врата, но битолскиот проект се протега многу подолго и затоа клубот размислува и за иднината. Двата репрезентативни „бисери“ и членови со години наназад, Петар и Павле Атанасијевиќ ги продолжија договорите до јуни 2028 годинан и својата иднина ја гледаат во Битола и во шампионскиот тим.
Со овој потпис клубот јасно покажува дека од прогресот и скокот од Еурофарм Пелистер 2 во Еурофарм Пелистер, сака браќата Атанасијевиќ да ги задржи и во нивното целосно созревање, заокружувајќи една деценија во зелено-белиот дрес.
Петар и Павле Атанасијевиќ имаат по 22 години и веќе можат да се пофалат со три шампионски титули и два Суперкупа на Македонија, а зад себе имаат и по неколку големи натпреварувања во дресот на македонската репрезентација.
(фото – Рк Еурофарм Пелистер)📷
