Селекторот на женската сениорска ракометна репрезентација, Кристијан Грчевски го објавува списокот на ракометарки повикани за собир и подготовки за претстојната женска ЕХФ недела во период од 23.09.2024 до 29.09.2024 година.
На списокот повикани се 21 ракометарка. Сениорската женска ракометна репрезентација во рамки на ЕХФ неделата ќе одигра две пријателски средби против селекцијата на Австрија.
Натпреварите ќе се одиграат во Брегенц, Австрија на 28.09.2024 година (сабота) со почеток во 17:00 часот и на 29.09.2024 година (недела) со почеток во 14:45 часот.
Собирот е закажан за ден 23.09.2024 (понеделник), со почеток во 08:00 часот во спортската сала Автокоманда во Скопје.
(фото – РФМ)📷
