Екипата на Тиквеш ја очекува двомеч на домашен терен против екипата на Еш од Луксембург во 1. коло од Европскиот Куп.
За овој натпревар своја изјава имаше и ракометарот на Тиквеш, Страхиња Симиќ, кој изјави дека неговиот тим ќе атакува на победа против екипата на Еш.
„Четврта последователна сезона сме дел од Европскиот Куп и тоа само по себе доволно говори за резултатите што ги имаме постигнато во изминатите години. По одличниот старт во домашното првенство, сигурно е дека самодовербата на екипата е на едно добро ниво и така мора да продолжиме и понатаму. Имаме млада и талентирана екипа, која уште на првиот натпревар пред домашната публика покажа голем жар, борбеност и желба. Мислам дека тоа е најубавата покана за сите наши верни навивачи и симпатизери на клубот да дојдат овој викенд во салата „Јасмин“, да ја исполнат до последното место и уште еднаш од Кавадарци да испратиме вистинска и убава ракометна слика. Нè очекува тежок и неизвесен двомеч, но во Кавадарци, во нашата сала и пред нашите браќа – „Лозари“, ние се прашуваме за сè“, – изјави ракометарот на Тиквеш, Страхиња Симиќ.
(фото – ГРК Тиквеш 2014)📷
