Тинекс Пролет ги продолжи договорите со двајца клучни играчи од изминатава сезона, Ласко Андоновски и Мартин Димов.
Искусниот 30-годишен Ласко Андоновски кој игра на централната бековска позиција ја продолжува соработката со Тинекс Пролет останувајќи верен на клубот и по цели десет години соработка откако првпат со клубот потпиша во 2012 година.
„Чест ми е и задоволство што и после десет години соработка ќе продолжам да го носам дресот на Тинекс Пролет, клубот во кој ги доживеав најубавите моменти од мојата кариера. Очекувам навистина успешна следна сезона согласно и амбициите, името и реномето на овој клуб кои ги ужива во македонскиот ракомет“, – истакна Андоновски по потпишувањето на новиот договор со клубот.
Десното крило, 24-годишниот Мартин Димов, пак, зад себе остави квалитетна сезона по која сега следи продолжување на договорот за уште две години.
(фото – Рк Тинекс Пролет)📷
