Продолжуваме со серијата на интервјуа, овој пат направивме интервју со ракометарот и голман на Рк Алкалоид, Иван Галевски.
1. На колку години ја започна ракометната кариера, и кој беше твој прв клуб?
- Започнав да тренирам ракомет на 10-годишна возраст во клубот ХЈС Работник предводен од Александар Зарков и Иван Марковски.
2. Од оваа сезона си во Алкалоид, какво е чувството да играш во млад тим составен од македонски ракометари?
- Во овој млад тим секој си ја знае својата задача и ја извршува на најдобар можен начин. Можеби млади и неискусни, но со голема желба за давање максимум на секоја утакмица.
3. Со Алкалоид остваривте добар пласман се пласиравте во Лигата на Европа, какви противници очекуваш?
- Како што знаеме Лигата на Европа е второ по ранг европско натпреварување. Играат екипи кои веќе со години се на европската сцена. Секоја утакмица ќе биде тешка, но очекувам позитивни резултати.
4. Како е чувството тренираш под водство на поранешниот македонските репрезентативец Кире Лазаров?
- Кире Лазаров е име во светскиот ракомет и има што да се научи од него. Секој тренинг е простор за учење на нови работи.
5. Како за крај на интервјуто што ќе изјавиш?
- Останете здрави и искористете го времето за одмор овие неколку недели.
(фото – Рк Алкалоид)📷
