Македонија и градот Скопје ќе бидат домаќини на големо светско ракометно натпреварување.
На Ракометната федерација на Македонија и е доверена организацијата на Светското првенство за младинци, кое ќе се одржи во периодот 23 јуни до 4 јули 2027 година.
На ова престижно натпреварување ќе настапат најдобрите млади ракометари до 21 година од целиот свет, а Македонија и градот Скопје повторно ќе бидат во фокусот на светската ракометна сцена.
Ракометната федерација на Македонија продолжува посветено да работи на развојот и популаризацијата на ракометот, како и на промоцијата на Македонија како домаќин на големи меѓународни спортски настани.
(фото – РФМ)📷
